Notification

×

Iklan

Iklan

Pandapek

26 Mei 2019 | 11.40 WIB Last Updated 2023-01-23T07:28:14Z


Ditulis oleh: AS Patimarajo


Pasbana.com -- Pagi tadi sudah sumbayang subuah, Mak Uniang bakisah ka Malanca satantang buah tutua Pak Katua nan baliau tulih suatu hari.

Tulisan Pak Katua tu, kiro kiro babunyi takah iko: isi twitter ndak baranti dari saling serang antara kubu X Jo kubu Y. Sampai sampai  pangamat urang cadiak pandai nan arih bijaksano, jadi tabalah. Para ahli pacah duo. Samo santiang kaduonyo.

Nan ciek manyarang, nan ciek lai main lapor ka upeh jo dubalang, taruih. Masiang masiang mangecek inyo ebat, nan lain bongak.

Samantaro ummat sibuk memperbanyak ibadah di bulan suci mancari taqwa dan sarugo nan dijanjikan Allah. Urang cadiak pandai, ndak amuah kalah. Pantang takolang. Co anak anak  baru ka gadang.

"Baa caro mengajari mereka ko ancak?" tanyo Pak Katua.

Tanyo Pak Katua nan disampaian Mak Uniang tu, dijawek dek Malanca. "Cadiak pandai tu musti baraja adat ka datuak nan baduo, Mak. Datuak Katumanggungan jo Datuak Parpatiah nan Sabatang."

Kecek Malanca, manuruik datuak nan baduo tu: kok salah tariak kumbalikan. Salah makan luahkan. Sasek suruik, talangkah kumbali. Banyak kecek banyak sasek. Banyak kato banyak duto. Ba itu manuruik adat nan biaso.

"Kok kecek awak kan yo ba itu. Tapi nan  urang tu, basikareh juwo jo bananyo surang surang. Ka ba lai," baleh Mak Uniang.

"Tapi kini kami lah kurang picayo, ka urang cadiak pandai tu, Mak," kecek Malanca.

"Ba a dek ba itu, Nca?"

"Kini nyo mangecek lain. Bisuak lain pulo. Pandapek ko tagantuang pandapatan, Mak," uleh Malanca.

Mak Uniang tapana...
×
Kaba Nan Baru Update