Notification

×

Iklan

Iklan

Barayo ka Pusaro

09 Juni 2019 | 11:06 WIB Last Updated 2019-06-09T04:06:41Z
Ditulis oleh: AS Patimarajo

Pasbana.com -- Kawan basobok ayah jo ibu.  Mak Uniang barayo ka pusaro.  Balinang jatuah aia mato.  Dek itu mako Mak Uniang ndak talok lamo bana di kampuang.

Takana maso kanak kanak,  sudah sumbayang rayo makan nasi di dapua mandeh.  Bacampua baun gulai jo asok kayu dalam tungku.  Tapi taraso labiah harum dari kumayan. Karano ado bundo dakek awak.

Kini lah makai minyak wangi pulang karumah,  taraso hamba tak ado nan diliyek.  Nampak janjang lapuak,  rumah lah condoang.  Diimbau mandeh tak manjawek. Langang taraso nagari di hati.

Dulu bajalan kaki manitih pumatang, takah jalan raya raso di batin.  Ba itu bana rindu manyentak pulang.  Kini lah bakandaraan capek tibo, samak taraso nan ditampuah,  sabab tak ado maimbau datang.

Ndak talok dek Mak Uniang manaruihan carito. Paham sajolah sanak tantang itu...