Notification

×

Iklan

Iklan

......... ( Alun Ado Judul )

12 Mei 2019 | 06:15 WIB Last Updated 2019-05-11T23:15:13Z
Oleh: AS Patimarajo


Pasbana.com --- Pagi tadi, sudah sumbayang subuah di musajik, Mak Uniang bacarito ka Malanca. Carito ko dulu ditarimo Mak Uniang maso sudah bagolak dari Ungku Malin.

Bunyi carito ko, dulu tajadi  di suatu kampuang, di nagari subarang, saurang  putri rajo bakianat ka pihak ayahnyo. Inyo bakonsi  jo musuah nan malawan ayahnyo.

Ditunjuak an nyo jalan ka dalam istino. Sahinggo musuah tadi barasil marabuik karajaan ayahnyo. Ayah, amak, kakak, adiak, pangawal, palayan, sadonyo mati badarah dibantai musuah.

Niat samulo, sangko hati putri rajo tadi, pimpinan musuah tu kamangawini inyo. Sahinggo inyo jadi parmaisuri. Makonyo kutiko pimpinan musuah tadi mandatangi puri tampek tingga putri tadi, si putri sangajo mamakai baju rancak badandan takah ratu.

Pimpinan musuah tibo di halaman puri. Sang putri turun manyongsong jo galak manih. Pimpinan musuah tadi mandatangi putri. Inyo mandakek, babisiak ka talingo putri. Sudah tu, dicabuik samurai tajam dihujamnyo ulu hati sang putri tadi. Sakatiko putri tu tapakiak, mati basimbah darah.

Apo kiro kiro nan dibisiak pimpinan musuah tu. Toloang dek sanak manjaweknyo, untuak jadi judul carito nan sadang Sanak baco ko...